2013 оны 11 сарын 2-нд Ле Мон клуб Москва хотын  Монгол оюутан залуустайгаа нэгэн гайхалтай оройг хамтдаа  өнгөрүүллээ.

Амьд дуу хөгжим эгшиглэсэн энэ орой Ле Мон клубын урилгаар Москва хотноо ирээд байсан Моханик хамтлагийн дуучин Цоожоо, Гнессины хөгжмийн академийн оюутан,  UTOPIА хамтлагийн дуучин Оюука, мөн тус академийн оюутан Сараа, Ард түмний найрамдлын их сургуулийн оюутан Л.Мандах, Москвагын авто замын дээд сургуулийн  оюутан Б.Цогтбаяр нар өөрсдийн уран бүтээлээрээ залууст бэлэг барилаа.



Энэ үдэшлэгийн онцлог нь эх нутгаасаа хол суугаа залуус биднийг хөглөж хамтдаа дуулж, хуурдан суух боломжийг бий болгосонд байгаа  юм.

Ийнхүү анх удаа амжилттай зохион байгуулагдсан Акустический вечер маань цаашид улирал бүр  зохиогдохоор боллоо.

Дуу, хөгжимд дуртай бүх Монгол залуус та бүхнийг дараагийн үдэшлэгтээ урьж байна.