Улс Түмний Найрамдлын Их Сургууль (РУДН) нь Оросын Холбооны улсын томоохон нэр хүнд бүхий их дээд сургуулиудын нэг юм. Зөвлөлт Холбоот Орос улсын сайд нарын зөвөлгөөнөөр 1960 оны 2 сарын 5нд Үндэсний Найрамдлын Их Сургууль нэрээр байгуулагдаж, улмаар 1992 оны 2 сарын 5нд Оросын холбооны улсын засгийн газрын зөвшөөрлөөр Орос орны Улс Түмний Найрамдлын Их Сургууль хэмээн нэрлэжээ.  1961-1992 оны хооронд Патриса Лумумбын нэрэмжит сургууль болжээ.

Улс Түмний Найрамдлын Их Сургуульд дэлхийн 146 гаруй орны 450 гаруй үндэстэн ястангуудын төлөөлөл болсон оюутан аспирант мэргэжил дээшлүүлэгчид ирж суралцдагаараа онцлог юм. Сургууль болон дотуур байранд олон улсын зарчмыг мөрдөж өөр өөр улс үндэстний оюутнууд маань хамтдаа суралцаж, амьдардаг.

Анх 1960 онд хэлний бэлтгэлийн факультет нээгдэж, 1961 оноос инженер, түүх хэл бичиг, анагаах , хөдөө аж ахуй, физик- математик байгалийн шинжлэх ухаан, эдийн засаг, хуулийн факультетууд тус тус үйл ажиллагаагаа явуулж эхэлсэн юм. 1965 онд хамгийн анхны төгсөгчидөөс дэлхийн 47 орны 228 мэргэжилтнүүд төрөн гаржээ. Улс Түмний Найрамдлын Их Сургууль  “Олон Улсын Их Дээд Сургуулиудын Байгууллага”ын гишүүн болж дэлхийн оюутан залуусын Фестивальд сургуулийнхаа төлөөлөл оюутнуудаа албан ёсоор оролцуулах боломжтой болсон юм .



Манай сургууль нь : Үндсэн Арван факультеттэй,гурван нарийн мэргэжлийн чиглэлийн мэргэжил дээшлүүлэх,  гурван ерөнхий их сургуулийн кафедра, долоон их сургууль, гучин гурван шинжлэх ухаан боловсролын төвтэй, 150 гаруй лаборатор, сургалт шинжлэх ухааны төвүүдээс бүрдсэн Боловсрол- шинжлэх ухааны цогцолбор юм.

Факультетууд:

• Физик- математик байгалийн шинжлэх ухаан


• Анагаах


• Хөдөө аж ахуй


• Экологи


• Хүмүүнлэг нийгмийн шинжлэх ухаан


• Хэл бичиг


• Инженер


• Эдийн засаг


• Орос хэл ерөнхий боловсролын салбар ухаан


• Хууль

Сургуулиуд:

• Гадаад хэл сургууль


• Аялал зуучлал зочид буудлын бизнесийн сургууль


• Олон улсын программын сургууль


• Дэлхийн таталт ба сансар огторгуйн шинжлэх ухааны сургууль


• Мэргэжил боловсролыг дээшлүүлэх сургууль

Ерөнхий кафедра

• “Улс төрийн боловсролын харьцуулалт”-н Кафедра


• “Биеийн тамир ба бие бялдрын хүмүүжил” –н Кафедра

Захирлууд :

• 1960—1970 —Сергей Румянцев 18 июля 1913—1990


• 1970—1993--  Владимир Станис (1924—2003);


• 1993—1998 — Владимир Филиппов


• 1998—2005 — Дмитрий Билибин

2005 оноос өдгөөг хүртэл  — Владимир  Михайлович Филиппов  Сургуулийн захирал -Оросын Холбооны улсын боловсролын академийн академич, 1998- 2004 онд Оросын Холбооны Улсын Боловсрол Соёл Шинжлэх Ухааны Сайд асан.

Нэр хүнд бүхий төгсөгчид:

Оросын Холбооны Улсын БСШУЯ-ы сайд асан, Оросын Холбооны улсын боловсролын академийн академич, физик- математикийн шинжлэх ухааны Доктор Владимир Филиппов

Оросын Холбооны улсын нэрт улс төрч Ирина Хакамада

Казакстаны Ерөнхий Сайд Карим Масимов

Гайн Улсын ерөнхийлөгч Бхаррат Джагдео

Шри-Ланк улсын ерөнхийлөгч Махинда Раджапаксе

Намиб улсын ерөнхийлөгч Сэм Нуйома

” Миклухо- Маклая “ гудамд байрлах Улс Түмний Найрамдлын Их Сургуулийн оюутны хотхонд 7 мянга гаруй оюутан аспирантууд амьдарч байна.

Ерөнхий бүтэц

• Төв сургууль – “Крест” захирал, сургуулийн зохион байгуулах болон үйлчилгээний алба, хууль, хэл бичиг, эдийн засаг, олон улсын бизнесийн дунд сургууль


• Хөдөө аж ахуй сургууль


• Эрүүл мэнд шинжлэх ухааны их сургууль


• Хэлний бэлтгэлийн сургууль


• Хүмүүнлэг-нийгмийн шинжлэх ухааны сургууль


• Архивын барилга


• Биеийн тамир эрүүл мэндийн цогцолбор  хөл бөмбөг болон газрын теннисний талбай


• Эрүүл мэндийн төв эмнэлэг


• Олон үндэстний соёлийн төв “Интерклуб”


• Интернет кафе


• Үндэсний хоолны ресторан, оюутны цайны газар, кафе


• Дотуур байр болон сургуулиуд дотор дэлгүүрүүд


• Цагдаагийн хэлтэс


• Инженер, физик -математик байгалийн ухааны сургуулиуд нь” Орджоникдзе “ гудамд, экологийн сургууль “Подольском шоссе”- д байрладаг.

70 мянга гаруй төгсөгчдийн 5200 гаруй доктор, шинжлэх ухааны цолтонгууд нь дэлхийн 170-с илүү оронд ажиллаж байна. Одоогийн байдлаар манай сургуульд 27 мянгаас илүүтэй оюутан, аспирант, ординаторууд сурч байна.

4500 гаруй ажилтан хамт олноос 2826 нь дээд мэргэжлийн багш нараас бүрдэж байна. Тэдгээрээс 600-д нь профессор докторын зэрэгтэйгээр, 1300 гаруй дээд сургуулийн багшийн цолтойгоор ажиллаж байна. Манай сургууль нь 50-н жилийн дотор Оросын 5-н шилдэг сургуулиудын тоонд багтаж, боловсрол- шинжлэх ухааны томоохон төв болж дэлхийн хэмжээний нэр алдар, гавъяаг хүртээд байна.

Ж.Отгонгэрэл