Монгол оюутны хөгжлийн арга барил нээлттэй өдөрлөгийг зохион байгууллаа

Өдөрлөгийг ОХУ-д суралцаж буй Монгол залууст бусдаасаа суралцах, харилцан мэдээлэл солилцох боломжийг бүрдүүлэх зорилготойгоор зохион байгуулдаг. 2013 оноос хойш амжилттай зохион байгуулж байгаа бөгөөд энэхүү өдөрлөгийг 2016 оны 02 сарын 27-ны өдөр Ростов на Дону хотноо анх удаа амжилттай зохион байгууллаа. Өдөрлөгт Москва хотод суралцдаг аспирант, оюутнууд хувь хүний мэдлэгийн талаар залууст зориулсан олон сонирхолтой илтгэл тавьж, залууст өөрсдийн мэдлэгээсээ хуваалцсан.

Тус өдөрлөгийг тэргүүн Г.Билгүүн нээж үг хэлснээр өдөрлөгийн үйл ажиллагааг эхлүүлсэн.

Энэ өдөр Москва хотод суралцаж буй Монгол аспирантууд хүрэлцэн ирж оюутнуудад өөрсдийн мэдлэгээсээ хуваалцаж, туршлага солилцохоор дараах илтгэгчид илтгэлээ хэлэлцүүлсэн юм. Үүнд:

- Улс түмний найрамдлын их сургуулийн оюутан Ж.Отгонгэрэл, “Цаг төлөвлөлт” сэдвээр цагийг өөрт ашигтайгаар ашиглахыг уриалж,

- Н.Э.Бауманы нэрэмжит Москвагийн техникийн их сургуулийн оюутан Н.Баттөмөр “Эргэцүүлэл” сэдвээр хамт суралцагсдадаа хандаж өөрийн туршлагаасаа хуваалцсаны дараа ,

- Үндэсний судалгаа шинжилгээний их сургуулийн аспирант Ж.Эрдэнэзул, “Офис менежмент” сэдвээр ажил дээр гараад юуг анхаарах ёстой зэрэг өөр өөрийн гэсэн онцлогтой илтгэлүүд байлаа.

Илтгэл дууссаны дараа хамт нийтийн дурсгалын зураг авахуулснаар өндөрлөлөө.