Тун удахгүй цаг тооны бичиг нэгэн хуудасаар солигдож, хуучин оноо үдэж шинэ оноо угтах тэр мөч ойртсоор байна.
Айсуй оноо хүлээж, ард хоцорсон алдаа, оноогоо дүгнэн суух энэ л үед
Ле Мон клуб маань
Монгол анд нөхдөөрөө
Москвагийн тэнгэр доор
Задгай гал шиг шинэ жилийн үдэш
Залуу нас жүнзтэй сархад шиг шинэ оны баяраа тэмдэглэлээ.
Улиран одож буй 2013 он Ле Мон клубын маань хувьд өрнүүн их амжилт,үйл явдлаар баялаг он байлаа. 2013 оны хавар залуусын хөгжлийг дэмжих уриан дор Ле Мон клуб үүсгэн байгуулагдсан тэр мөчөөс хойш олон ажлыг амжилттай зохион байгуулж чаджээ.
Эдгээрээс дурьдвал: Москва хотноо зохион байгуулсан “Эрдэм шинжилгээний анхдугаар бага хурал”, “Нөхөрлөлийн аян 1,2”, “Монгол оюутны хөгжлийн арга барил” нээлттэй өдөрлөг, ”Акустический вечер”, Улаанбаатар хотноо “Бид тусархаг Ле Мон” сайн үйлсийн аян, Санкт-Петербург хотын оюутан залууст зориулсан “Монгол оюутны хөгжлийн арга барил” нээлттэй өдөрлөг.
Ийнхүү хуучин оныхоо амжилт бүтээлээ дүгнэж, ирэх оныхоо их үйлсийн гараагаа эхлүүлэн Ле Мон клуб шилдгүүдээ тодрууллаа.
Шилдэг дэд клубээр анхны дэд клубүүдийн нэг гэрэл зураг, видео сонирхогчдын Фликрчидийн клуб.
Шилдэг манлайлагч гишүүн - Ле Мон клубын хэвлэлийн төлөөлөгч Л.Долгормаа
Шилдэг зохион байгуулагч гишүүн - Ле Мон клубын нарийн бичиг Н.Мөнхтуул
Шилдэг түнш - “Алтанбулаг” Буриад-Монгол рестораны хамт олон тус тус шалгарлаа.
Бидний шинэ жилийн цэнгүүнийг дуу хуураар мялааж, сонгодог нэгэн оройг бэлэглэсэн Гнесины нэрэмжит хөгжмийн академийн авъяаслаг уран бүтээлчиддээ талархсанаа илэрхийлье.
Ирж буй 2014 он та бүхэнд эрүүл энх, аз жаргал, хамгийн сайн сайхан бүхнийг авчирах болтугай !!!
“Ле Мон” клуб